Monthly Archive for January, 2002

Smásálin!

Published
by
jens
on 30. January 2002
in KvikMyndbandaGagnrýni and Washington D.C.
. Closed

Hér er ég, ég er til! Hef verið annarshugar síðustu dægur! Við Jóna erum búin að vera mikið á stjá og því hefur heimamundurinn verið vanræktur :-(

Kvikmyndagagnrýni Janusar: 2 góðar frá Hollywood-vélinni!
Um síðustu helgi brugðum við okkur í biffen, sáum The Royal Tenenbaums. Í grófum dráttum er myndin ein allra best heppnaða kómíska-fjölskyldu-drama sem ég hef séð -allavega um langt skeið.

Nú veit ég ekkert á hvaða róli þessi mynd er heima á Íslandi (þ.e. hvort hún sé í bíó eða væntanleg eða ???), og spara ykkur því fyrirlesturinn um aðalleikara og annan óþarfa -til þess var linkurinn gerður :-)

Það er með ólíkindum langt síðan maður hefur farið í bíó án þess að verða fyrir vonbrigðum og því þótti mér ærin ástæða til þess að benda á þessa mynd, skál fyrir Tanenbaum-fjölskyldunni! Hún slær út flest það hismi sem ég hef verið að sóa aurum mínum í síðustu misseri, s.s. Harry Potter!

Rauða Millan
Á mánudag leigðum við síðan Moulin Rouge, alveg sjúklega gott söngleikja-drama! Ekki það að mér þyki gaman að vera litli fiskurinn í stóru tjörninni en ég verð nú samt að benda á góðan leik augnfagra-ástralans og starwars-skotans!

Ég hef ekki séð svona góðan söngleik á filmu, síðan West Side Story! Aðallega þótti mér þó tónlistarnotkunin eða tónlistarblöndunnin skemmtileg.

Skál fyrir Moulin Rouge! Tvær góðar myndir í röð! Ég veit ekki hvað er að gerast í Hollywood?

Nóg af drama í bili!

Draumur Sr. King

Published
by
jens
on 21. January 2002
in Bandarískt samfélag
. Closed

Í dag er frídagur í Bandaríkjunum, flestir skólar, stofnanir og vinnustaðir eru lokaðir. Í dag minnumst við Martin Luther King jr. Líklega minnast flestir Sr. King fyrir brautryjandastarf sitt í þágu minnihlutahópa, þó aðallega blökkumanna.

Og í dag velti ég fyrir mér arfleigð Sr. King er hér í landi?

Frá mínum bæjardyrum séð eru Bandaríkin á ennþá stödd á villgötum rasisma, fordóma, haturs og ofbeldis.

Ég viðurkenni fúslega að get aldrei sett mig í spor þeirra sem bjuggu við þrælahald og svo framvegis. En ég velti því samt oft fyrir mér hvort þrælar hafi haft það verr en fólkið sem býr í Compton-hluta L.A. og/eða Suð-Austur-hluta Washington D.C. þar sem morð, alnæmi og eiturlyf er þemað í lífi fólksins, allan daginn, alla daga. Þetta fólk er að mestumhluta blökkumenn -hvort er/var meira ofbeldi?

Enn býr meirihluti blökkumanna við vosbúð og ömurlegan kost. Og það væri hræsni að segja að bandarískt þjóðfélag væri búið að afreka mikið í jafnréttindabaráttu síðustu 40 ár.

Hvað hefur bandarískt þjóðfélag afrekað frá dauða Martin Luther King jr? Og hvert stefnir hún?

Því miður hefur draumur Sr. King svo sannarlega ekki enn ræst.

Hvenær munu orð hans vera að sönnu?

,,…let freedom reign! let freedom reign …”

,,…thank God all-mighty we are free at last”

Og því tengt!
Í framhaldi af þönkum mínum um Sr. King, fór að velta því fyrir mér frábærum engilsaxneskum ræðuskörungum. Og ég útbjó smá lista yfir eftirminnilegar ræður. Val mitt fór reyndar soldið eftir því hvort ræðurnar voru til á netinu eður ei :-)

þriggja-stafa-kana-kallarnir
MLK:,,I have a dream” - sækja hér
FDR:,,the only thing we have to fear is fear itself,” - sækja hér
JFK:,,Ask not what your country can do for you, ask what you can do for your country.” - sækja hér

Regan & Churchill
Regan:,,Mr. Gorbachev tear down this wall” - sækja hér
Churchill:,,their finest hour.” - sækja hér

Leitað að Machiavelli

Published
by
jens
on 20. January 2002
in Washington D.C.
. Closed

Það er helgi og bókabúðin í skólanum lokuð. Ekki svo mikil vandræði* ef maður þarf ekki bók í búðinni. Það gætu orðið vandræði ef þessu er öfugt farið, og þannig er því einmitt farið með mig -mig sárlega vantaði Prinsinn eftir Machiavelli.

Ég þarf að vera kunnugur bókinni fyrir þriðjudag og ekki er von til þess að bókabúðin í skólanum opni á mánudag þar sem þá er einn allra heilagasti frídagur kana: The Reverend Martin Luther King Junior Holiday.

Þannig að Jensi fór í göngutúr niðrí Dupont Circle hverfið, betur þekkt sem bókabúðahverfið (og hommahverfið!) hér í DC. Eftir að hafa gengið á milli hommabúða nei ég meina bókabúða var ég ennþá án Prinsins (kaldhæðnislegt að vera að leita að bók með þessu nafni í hommahverfi?)

Þegar ég var kominn aftur heim, prófaði ég að fara inn á google og slá inn Machiavelli The Prince og vitið menn efst í leitarniðurstöðunum (er þetta orð?) var þessi líka ágæta heimasíða Columbia háskólans í NYC, með bókina í heild sinni. Dæs!

Jæja, ég nældi mér allavega í ágætis göngutúr en ég missti af fyrri hálfleik Green Bay @ St. Louis. Æ-ja-jæ!

,,Green Bay …it´s like only my favorite Bay”
(Pheobe Buffet, 2001)

* = orðasambandið ,,Ekki svo mikil vandræði” er í eigu Stellu Löve. Orðasambandið er birt án leyfis höfundar -ekki kjafta!

Svartur haukur niðri

Published
by
jens
on 20. January 2002
in Bandarískt samfélag
. Closed

Ég var að horfa á alveg yndislega fréttaskýringu á einni af þessum mýmörgu hérlendum fréttastöðum. Hún fjallaði um nýju Hollywood-myndina um stríðið í Sómalíu: Black Hawk Down.

Blökkumannaleiðtogar eru alveg æfir yfir rasismanum í myndinni -allir vondu kallarnir eru svartir!

Æ, hvað ég elska þessa þjóð :-)