Nú virðist ég dottinn inn í þennan Supernova-þátt. Fylgist með áhuga hvernig samlandanum reiðir af. Loksins eigum við okkar fulltrúa í þunnu bandarísku raunveruleikasjónvarpi.
Hvað geta lesendur þessa vefs geta nefnt mörg lög eftir:
Tommy Lee,
Jason Newsted
og Gilby Clarke
???
Ég held að þessir menn eigi það sameiginlegt að hafa verið í þekktum rokkhljómsveitum án þess að hafa komið mikið af tónsmíðum þar á bæ?
Reyndar er þekking mín á Mötley Crew fremur takmörkuð en ég hlustaði mikið á hinar hljómsveitirnar.
Fyrir utan að vera leiðinlegur bassaleikari þá kom Jason Newsted lítið sem ekkert að tónsmíðum Metallica ef þið skoðið hverjir eru skrifaðir fyrir lögunum þá er það oftast dúettinn Hetfield og Ulrich. Síðan hefur Hammett verið skrifaður fyrir nokkrum lögum.
Gilby Clarke var einhverskonar Slash-hækja í GNR sem tók við þegar Izzy Stardlin hætti í miðri tónleikaför. Clarke var síðan rekinn úr hljómsveitinni eftir nokkur ár. Veit ekki alveg hvaða meistarastykki hann hefur samið en það hlýtur að vera eitthvað ótrúlegt, slíkt er yfirlæti mannsins í þættinum.
Kannski er Tommy Lee þvílíkur tónsmiður og á eftir að bera þessa sveit á öxlum sér? Boom over here boom over there lagið í BarbWire var allavega ótrúlegt!!!
Það verður því fróðlegt að fylgjast með framgangi þessarar sveitar er þætti lýkur. Ætli Supernova verði eftirminnilegt band í rokksögunni?
Þessi þáttur hefur orðið til þess að ég hef farið að róta og garfa í gömlum slögurum. Núna er það Wallflowers-platan frá ´96 Bringing down the horse.
Gaurinn sem söng One headligt datt reyndar út, í stað laglausrar steypu í spandexgalla. En svona er lífið í beinni.
Íslenski gaurinn er að standa sig með ágætum og virðist ætla að komast eitthvað áfram í þessu vali. En þessi Delana hlýtur að verða fyrir valinu? Hún hefur nokkuð mikla yfirburði só far -ekki satt?