Ég er búinn að þurfa að horfa á viðtalið við Geir í Kastljósinu nokkrum sinnum í dag -ég er bara svona tregur. Og ég er enn að reyna að skilja.
Ég er þó búinn að fatta eftirfarandi:
- Geir náði besta samningi í heimi.
- Það var bara hreinlega ekki hægt að ná betri samningi en þetta.
- Ástæðan? Jú vinstristjórnin 1989 (fyrir tæpum 20 árum) samdi svo hrikalega af sér að það var engin leið fyrir ríkisstjórnir Sjálfstæðisflokksins næstu 16 árin til að laga málið. Er það ekki annars rétt?
- Framferði ríkisstjórna síðustu 16 ára hefur verið með öllu fullkomið.
Hvað var það sem vinstri stjórnin gerði? Jú hún gaf leyfi fyrir nýrri vatnsveitu á herstöðinni.
Hvað gerir ,,hægri” stjórnin? Jú, hún nagar í pilsfaldinn á kananum í 16 ár. Nagar og nagar þar til ekkert er eftir og samningastaða okkar ömurleg.
Og nú þegar herinn er farinn og við sitjum uppi með draslið, hreinsun, niðurrif og svo uppbyggingu á svæðinu heldur ,,hægri” stjórnin áfram að naga í faldinn á kananum.
Bæjarstjórinn í Keflavík kemur fram og segist vera mjög mjög ánægður með þetta allt.
Enda besti samningur í heimi.
Atvinnumál í Reykjanesbæ eru enn í uppnámi og ríkisstjórnin hefur ekkert tjáð sig um þau mál. Enda búin að vera upptekin að semja.
Varnir landsins eru nú á vitorði tveggja manna. Jú og hvorugur þeirra er utanríkisráðherra.
Eins gott að leyniþjónusta Björns Bjarna standi sig í að verja þá. Við myndum ekki vilja að eitthvað hendi …þá gætum við þurft að semja upp á nýtt?
Er Jón Sigurðs ekki örugglega faldur einhverstaðar? Undisclosed location? Vonandi eru hafa þeir vit á að vera aldrei á sama stað á sama tíma.
Mikið er ég glaður að leyniþjónustan og leynivarnirnar verja mig fyrir leyndri ógn leyndra aðila. Ég sef miklu betur.
ATH: Geir verður stundakennari í samningatækni við HR eftir jól. Tjékkið endilega á því.