„Segja má að dillir sé rökrétt framhald af grundinu. Sami hluti tungunnar er virkur í dillinum, en helsti munurinn er sá að núna er rannsókn lokið að sinni og leiktími hefst. Þetta stig einkennist því öðru fremur af gáska og leikgleði þar sem tunga dillar tungu og slegið er á létta strengi“ -Kúnstin að kyssa! (c) 2002
Umhverfismál í Kryddsíldinni:
Formaður Sjálfstæðisflokksins: Kárahnjúkar eru staðreynd og það þýðir ekkert að tala um það en það verða engar fleiri stíflur með þeim hætti …við þurfum að fara að hlusta á fólkið í landinu!
Formaður Framsóknar: Stalínísk stóriðjustefna hætti fyrir löngu …árið 2003!!!
Bjútí!
Það er Alcan á Íslandi sem vonar að árið verði þér gjöfult og ál-risult.
Það er Frjáslyndi flokkurinn sem vonar að árið verði þér gjöfult og rosalega rasískt gott.
Það er Saddam Hussein sem vonar að árið verði ykkur …nei bíddu …hann óskar ykkur ekki nokkurs skapaðs hlutar, hann er död!
Ég vona hinsvegar að árið verði ykkur gott og aðeins minna geðveikt en 2006.
Jú ég fékk margar hugvitsamar og heilsusamlegar hrærivélar í jólagjöf en furðulegust allra er þó spindillinn af DVD diskum sem barst mér frá danska heimsveldinu með um 80GB af jazzi. Þetta er lofsamlega æðislegt og ótrúlega ólöglegt allt í senn en ég ætla þó ekki að segja til sakamannsins enda hefur hann flúið land …ti l DaNm erk U r …uss ekki segja. Hverjum hefði dottið í hug? Ég get hlustað sæll til æviloka, þvílík snilld.
Við Jóna fórum á James Blond í gær sem er ekki í frásögur færandi, nema þá kannske fyrir þær sakir að við höfum ekki farið saman í bíó í langan tíma. Nei, þetta er eiginlega ekki í frásögur færandi heldur, jæja.
Hinn nýji Bond er obboslega sætur og massaður. Ég hef lengi verið aðdáandi Bond eða allar götur síðan ég sá Dr. No í London árið 1962, þá ungur maður á millilandafraktara. Þetta var þó í fyrsta sinn sem ég samsvaraði mig algjörlega Bondinum. Mér fannst ég í raun vera að horfa á sjálfan mig á skjánum. Jóna og Bond-stúlkan eru líka sláandi líkar. Vá! Páw! Tjú! Tjí!
Síðan ferðaðist Blond Bond um Feneyjar, Como-vatnið og fleiri staði sem við Jóna heimsóttum á brúðkaupsferðalagi okkar. Ó!
Eina sem böggaði okkur við Blond Bond var sú staðreynd að þetta á að vera upphaf 00-ferils Bond, þarna sannar hann sig og hlýtur náð fyrir augum M. En þessi Bond er látinn gerast í nútímanum og M lætur út úr sér á stöku stað að hún sakni kalda-stríðsins. Þetta eiga massaðir og sætir Bond-aðdáendur erfitt með að kyngja annars besta Bondið síðan sjarminn frá Skotlandi var og hét.
Talandi um Skotland …
…nei, seinna!
